Tras a lectura de “Sólo
un pie descalzo”, quedámonos con ganas de máis e decidimos somerxernos de cheo noutras
obras da autora, para así poder coñecela mellor e facer deste xeito unha
análise máis completa.
En “El saltamontes
verde”, unha fábula sobre a importancia das
palabras e da voz propia, un neno orfo vai polo mundo buscando a súa voz
perdida. Un día, como recompensa de salvar a un saltón verde, ambos comezan
unha viaxe coa finalidade de atopar a voz perdida de Yungo, o protagonista
desta historia. O saltón asume o rol de conciencia ao longo de todo o traxecto,
murmurando ao oído de aqueles que se van atopando o que precisan escoitar nese
momento.
Como ensinanza
desta narración podemos concluír, que ao longo de toda a historia se manifesta
a importancia de intentar que todas as persoas que vamos deixando atrás no noso
camiño, sexan máis felices despois de pasar polas súas vidas.
Gustaríanos
destacar a estreita relación que gardan dúas das obras de Ana Mª Matute como
son “Sólo un pie descalzo” e “El saltamontes verde”, pois ambas
presentan como protagonistas a dous nenos cunha infancia atormentada e
solitaria; tanto Gabriela (Sólo un pie descalzo) coma Yungo (El saltamontes
verde) son vítimas da marxinación e discriminación, debido ás súas diferenzas persoais
con respecto ó resto de nenos e nenas que os rodean, e como esta soidade os
leva a evadirse da realidade dando paso ó mundo da fantasía; caracterizándose
así ambas obras de Ana M.ª Matute pola esencia da maxia e da imaxinación dos
nenos e nenas.
Outro
dos aspectos que comparten estas dúas obras é o valor da esperanza, pois os
protagonistas viven na súa fantasía ata o momento en que atopan o seu
verdadeiro lugar no mundo impulsados pola súa forza de vontade e sen renderse
nunca. Así mesmo, os valores que predominan nas obras de Matute son a amizade
ou o compañeirismo que van da man dos nosos protagonistas, fronte á
discriminación e ó rexeitamento que sofren por mor da incomprensión ante as
súas diferenzas.
En
definitiva, o antagonismo que presenta Matute nas súas obras pódese ver
influenciado polas súas vivencias persoais na época do franquismo; así por unha
banda podemos apreciar o optimismo e a esperanza e pola outra banda a desgraza
e a desesperación.
Pasando agora a outra
das obras de Matute, “El País de la
Pizarra”, diremos que se trata dunha obra ambientada no país de Cora-Cora,
onde é típico celebrar cunha gran festa anual: o aniversario do pequeno rei,
que tan só ten 4 anos.
Neste país, cando está
preto o día da celebración, todos e todas traballan moito: o carpinteiro e os
seus fillos, o real profesor e os seus fillos … pero de repente, o día antes do
aniversario do rei, desaparece a princesa máis princesa de todas, irmá do
mesmo, mentres está a realizar unha gran suma na lousa que lle encomendara o
real profesor. Xusto neste momento, a princesa foi absorbida pola lousa debido
a que non sabía a solución de dita conta, e neste momento, os catro
protagonistas da historia, Moncho e Felpa (fillos do carpinteiro) e Pelusa e
Caracol (fillos do real profesor), emprenden un largo viaxe ao País da Lousa e
á cidade da Táboa de Multiplicar, coa finalidade de rescatala.
![](https://blogger.googleusercontent.com/img/b/R29vZ2xl/AVvXsEiUNMS85Tx3m0Q9XhNUkdnrla4l6KGxsU_CemD8vRDK0LT_69UUBwyj1zIesqGWN9a9k1XdJJ-1bRc_6I74QpfnKnD5aPeWOuG7xNm-tKUZ_Z3gut8TGYdO4cHR8LFO_tg3vwwmXG2DBwxa/s1600/247-958-821.jpg)
Tomando como referencia
de novo as obras de Ana M.ª Matute que anteriormente comentamos, diremos que
“El saltamontes verde”, “Sólo un pie descalzo” e “El País de la Pizarra”,
comparten un aspecto tan importante como é o valor da amizade e o
compañeirismo, posto que os catro protagonistas emprenderon unha viaxe para
rescatala princesa. E, sen dúbida, a esencia das tres obras é o factor máxico,
cheo de fantasía e mundos inventados e imaxinarios, propios dunha mente
infantil totalmente inocente.
Porén, mentres que nas
dúas obras anteriores se fai unha especial mención aos temas da marxinación, a
discriminación e a unha infancia tormentosa, en “El País de la Pizarra” son
temas inexistentes.
![](https://blogger.googleusercontent.com/img/b/R29vZ2xl/AVvXsEiiBEMphxGp8uF0fUQewNIUn9DcSv2pRqiBxhu4BRaqQG-7B5j4G_V2sOTWZbYWVnGv94igKtu810MfqycfWhb_Sw1Sb4z9Ysp0_fP193ak0zZa9ydWzR-1q1LjivLCQROu1GgRvv5HMxki/s1600/9fbc521ecd34eb01915982411069c6bd.jpg)
![](https://blogger.googleusercontent.com/img/b/R29vZ2xl/AVvXsEjVGROUM-T-qEaPzEAZZ9zGL6JUCX4eWUpYfltojbX8F3EAaistyYcWLtYRryc2JcysacQOWbwHek53CWIPJ_OAYFMwKbChsMvm6d8wFvf-MAIRMg7xLS2_OcSma3unnxPgFpTKTpkvL_3c/s1600/8480ebe68fd4a9d3076420bed6fd8b0e.jpg)
![](https://blogger.googleusercontent.com/img/b/R29vZ2xl/AVvXsEg38NqoRXLX98w5S6lKeZGpmbC3H_VoX-ykttxKALk4jc2M5Yt6j07dvtQKjZC7olfLh5UovCupiwQYGBZ1h3jzPs67jFmJqQIUZ5hHz-Q1_VKDGVwI-DQjT-xtyqfeAKNx6MvC2jzH-k8E/s1600/247-958-821.jpg)
![](https://blogger.googleusercontent.com/img/b/R29vZ2xl/AVvXsEiiBEMphxGp8uF0fUQewNIUn9DcSv2pRqiBxhu4BRaqQG-7B5j4G_V2sOTWZbYWVnGv94igKtu810MfqycfWhb_Sw1Sb4z9Ysp0_fP193ak0zZa9ydWzR-1q1LjivLCQROu1GgRvv5HMxki/s1600/9fbc521ecd34eb01915982411069c6bd.jpg)
![](https://blogger.googleusercontent.com/img/b/R29vZ2xl/AVvXsEjVGROUM-T-qEaPzEAZZ9zGL6JUCX4eWUpYfltojbX8F3EAaistyYcWLtYRryc2JcysacQOWbwHek53CWIPJ_OAYFMwKbChsMvm6d8wFvf-MAIRMg7xLS2_OcSma3unnxPgFpTKTpkvL_3c/s1600/8480ebe68fd4a9d3076420bed6fd8b0e.jpg)
En definitiva, cómpre
destacar que tanto unha como outra, apaixonáronnos as tres eleccións persoais,
pero se tiveramos que decantarnos por unha, consideramos que “El saltamontes
verde” é un relato sinxelo, cheo de mensaxes positivas e cargadas de esperanza,
no que a riqueza narrativa fai que o lector se manteña atento e a esperas de
máis, ata que se atopa cun factor sorpresa que é o que cremos que fai que nos
decantemos pola historia de Yungo, a súa voz perdida e o saltón verde.
Bibliografía
Matute Ausejo, Ana M.ª (2013). Sólo un pie descalzo. Madrid: Editorial Destino.
Matute Ausejo, Ana M.ª (2013). El saltamontes verde. Madrid: Editorial Destino.
Matute Ausejo, Ana M.ª (1957). El país de la pizarra. Madrid: Editorial Molino.
Twitter: @pie_descalzo
Bibliografía
Matute Ausejo, Ana M.ª (2013). Sólo un pie descalzo. Madrid: Editorial Destino.
Matute Ausejo, Ana M.ª (2013). El saltamontes verde. Madrid: Editorial Destino.
Matute Ausejo, Ana M.ª (1957). El país de la pizarra. Madrid: Editorial Molino.
Twitter: @pie_descalzo
Pamela Campos Andión
Beatriz Castiñeira Barreiro
Ana De La Calle López
Rocío Fernández Rodríguez
Raquel Fernández Sanfiz
Ningún comentario:
Publicar un comentario