Partindo da nosa autora Ana M.ª Machado e do libro principal do noso estudo
Bisa Bia Bisa Bel, realizaremos unha unidade didáctica enfocada para nenos de 3
a 5 anos de Educación Infantil na que o tema principal será as xeracións e os
lazos familiares.
Os obxectivos[1]
que pretendemos acadar con están na Unidade Didáctica:
- Iniciarse na formulación de hipóteses, buscando respostas e explicacións, para anticipar probables efectos que poderían producirse como consecuencia de situacións da vida diaria e dalgúns experimentos realizados.
- Relacionarse coas demais persoas, de forma cada vez máis equilibrada e satisfactoria, interiorizando progresivamente as pautas de comportamento social e axustando a súa conduta a elas.
- Coñecer distintos grupos sociais próximos á súa experiencia, algunhas das súas características, producións culturais, valores e formas de vida.
- Establecer relacións de confianza, afecto, colaboración, comprensión e pertenza baseadas no respecto ás persoas, ás normas e valores da sociedade a que pertencen.
Partimos da asemblea que se realiza a primeira hora da maña e identificarémola como a primeira actividade da nosa Unidade Didáctica. Nela comentaremos e faremos preguntas sobre os membros familiares do noso alumnado, preguntas como: Como se chama o teu avó? Tes irmáns? Cantos tíos tes? etc.
A segunda actividade terá un carácter máis práctico e
nela precisaremos a colaboración das familias dos nosos alumnos. Tratará de que
os nenos traian á clase imaxes dos seus familiares máis próximos; tíos, pais,
irmáns, curmáns e avós. Unha vez seleccionadas as imaxes faremos unha árbore
xenealóxica que terá unha dobre función e simbolismo. Por unha banda servirá
para que os nenos e nenas identifiquen os membros familiares e as relacións
entre os mesmos. Por outra banda faremos unha actividade de “Rego”, na que
regaremos a árbore cos valores que creemos adecuados para cultivar dentro do
entorno familiar. Valores como: respecto, tolerancia, empatía, amizade,
agarimo, etc.
A terceira e última actividade constará en realizar un
mural coas árbores xenealóxicas de todos os alumnos, no que cada neno poderá
ver a familia de cada compañeiro e comparala coa súa mesma, vendo o número de
membros e a relación entre os mesmos.
Esta Unidade Didáctica pódese ampliar con múltiples
actividades, como o fomento polo respecto do entorno, podendo levalo máis tarde
ó medio natural.
Como conclusión, consideramos que a selección desta
Unidade Didáctica é importante para traballar dende a primeira infancia, xa que
esta idade é a idónea para consolidar os valores anteriormente mencionados e as
relacións familiares que se establecen dentro do entorno do alumno.
Autores
Jéssica Carreiras López
Adrián Fernández Fernández
Alba Rodríguez Sanmartín
Alba Villarino Palmaz
