PROPOSTA DIDÁCTICA SOBRE O LIBRO ¡A MIN QUE ME IMPORTA!

INTRODUCCIÓN

Os hospitais e todo o relacionado con eles e algo que polo xeral causa medo e incerteza nos nenos. Por este motivo decidimos levar a cabo unha serie de actividades sobre os hospitais, co fin de achegar aos máis pequenos a este mundo.  Para iso escollemos un fragmento da obra ¡A min que me importa!  de Concha  Blanco, no cal se conta que unha nena vai o médico cando se manca nunha man. Despois desta actividade, propoñerase elaborar un recuncho do hospital, o cal equiparemos con bonecos, peluches, disfraces, etc. A partir deste momento comezaremos a levar a cabo diversas actividades como elaborar material médico, facer simulacros de curas, etc.

OBXECTIVOS

Coñecer e identificar os elementos característicos dos médicos (bata, estetoscopio, etc).

Coñecer varios oficios relacionados co hospital (recepcionistas, médicos, enfermeiros, etc).

Dramatizar as accións dunha consulta médica no recuncho do hospital.

Expresar xestos das distintas enfermidades.

Desenvolver unha actitude positiva cara os hospitais e o seu persoal.

Desenvolver a motricidade fina.

Recoñecer e identificar as distintas partes do corpo.

PROPOSTA DE ACTIVIDADES

ACTIVIDADE 1: 

Título: ¡Sonia tivo un accidente!

Desenvolvemento da actividade: Para espertar o interese dos nenos sobre os hospitais ímoslles contar un fragmento do libro ¡A min que me importa! de Concha Blanco, concretamente o capítulo “Sonia tivo un accidente”. Mentres se conta a historia iranse creando os personaxes no encerado coas características que nos vaian dicindo os nenos.

Materiais: encerado, xices e o libro ¡A min que me importa!.

ACTIVIDADE 2: 

Título: Visita Cruz Roja.

Desenvolvemento da actividade: Consideramos que sería interesante para os nenos contar coa visita de persoas da Cruz Roja para que lles contasen como son os hospitais e que instrumentos empregan os médicos.

Materiais: persoal e material sanitario.

ACTIVIDADE 3:  

Título: ¡Convertémonos en médicos!

Desenvolvemento da actividade: Cada neno terá que facer un debuxo do que máis lle chamou a atención dos obxectos mostrados pola Cruz Roja (medicinas, xiringas, estetoscopios...), para logo pegalo nunha bolsa branca que xa tera os recortes dos brazos e da cabeza feitos. Ademais os nenos farán dúas tarxetas nunha poñerán “enfermeiro/a ....” e o nome de cada neno e noutra “doutor/a...” e o nome de cada neno.

Unha vez feito o disfrace, elaboraremos outros elementos característicos dun médico: maletín e estetoscopio.
Para realizar o maletín, dobraremos á metade un anaco de cartolina negro de modo que deixemos unha pequena parte de base. Recortaremos as asas do maletín que sexan proporcionados coa bolsa de papel e pegarémolas no seu lugar. Gramparemos ou pegaremos os lados da bolsa pechada, pero deixando a parte superior aberta para que que os nenos poidan colocar os artigos no seu interior. Cortaremos unha cruz nunha cartolina vermella e pegarémola na parte dianteira da bolsa. Utilizando un lapis ou un xiz de cor branca, escribiremos o nome do neno.

Por último,  elaboraremos un estetoscopio. Para iso, empregaremos un envase de iogur. Con témperas ou rotuladores decoraremos as cuncas e deixarémolas secar antes de facer un burato na parte inferior. Pasaremos un anaco de lá  polo burato e faremos un nó para que a cunca colgue dende o final. Recortaremos o centro dun prato de papel para conseguir un anel. Cortaremos un lado do anel para poder abrilo e máis tarde colocalo arredor do pescozo do neno. Faremos un burato no lado do anel contrario ao corte. Pegaremos  o extremo sen nó dende o envase do iogur polo burato no aro do prato de papel e anoarémola para que colgue a cunca.

Materiais: bolsas de plástico, pegamento, tesoiras, envase de iogur, lá, pinturas, rotuladores e folios.

Unha vez que temos todos os materiais nos distintos espazos do recuncho, véxase na imaxe 1, e os disfraces feitos comezaremos a realizar actividades nas que predominará o xogo simbólico.

Imaxe 1. Plano do recuncho do hospital. 

ACTIVIDADE 4: 
Título: ¡Xogamos aos recepcionistas!

Desenvolvemento da actividade: Na sala de espera haberá dous recepcionistas que se encargarán de anotar o nome dos pacientes que van chegando e de mandar pasar os pacientes á consulta.

 

Materiais: ficha, cadeiras, mesa e bolígrafos.

ACTIVIDADE 5: 

Título: ¡Vamos ao médico!

Desenvolvemento da actividade: Haberá un médico con un enfermeiro que atenderá aos pacientes despois de pasar pola sala de espera. Estes medirán e pesarán aos pacientes, logo anotarán os datos obtidos. Se o consideran necesario farán unha receita copiando os nomes dos medicamentos. 

 Materiais: cadeiras, mesa, fichas e bolígrafos.

ACTIVIDADE 6: 

Título: ¡Vamos á farmacia!

Desenvolvemento da actividade: os pacientes que necesitan medicamentos dirixiranse a farmacia para compralos, ensinaranlles aos farmacéuticos a receita que lle fixo o médico.

Materiais: medicinas, sillas e mesa.

ACTIVIDADE 7: 

Título: ¡Os osiños enferman!

Desenvolvemento da actividade: Propoñeráselles aos nenos que traian os seus osiños e bonecas a aula para poder curalos colocándolles vendas, gasas e incluso facéndolles operacións.
Materiais: osiños, vendas, gasas, etc.

ACTIVIDADE 8: 

Título: O corpo de Xoán.

Desenvolvemento da actividade: Co fin de que os nenos coñezan mellor o corpo humano elaboraremos unha lámina con dous bonecos. Un deles estará composto pola cabeza,  tronco, e extremidades; mentres que no outro aparecerán algúns órganos como o cerebro, os pulmóns, o corazón, o fígado, o estómago ou o intestino. Os nenos deberán colocar cada parte no lugar que corresponda co fin de que compoñan a “Xoán” correctamente. 
Esta lámina estará no recuncho do hospital para que os nenos poidan consultar sempre que teñan algunha dúbida ou para xogar con ela libremente nos tempos oportunos.

Materiais: Cartolina, goma eva, velcro e rotuladores.

SÍNTESE

¡A min que me importa! está dirixido a nenos a partir de nove anos pero poderíase utilizar en infantil realizando adaptacións, como no caso mencionado anteriormente. As temáticas deste libro son variadas (familias, accidentes, nacementos, cometas, etc) polo que se podería empregar para introducir diversos temas sobre os que os nenos teñen moita curiosidade.

En canto a proposta didáctica, consideramos que o tema dos hospitais sería interesante para levar a cabo nunha aula porque lles axudaría a perder o medo a estes espazos e ao seu persoal, ao mesmo tempo que se divertirían representando os distintos oficios e elaborando os elementos que empregan os médicos.