Hoxe intentamos adentrarnos un pouco máis en "Sólo un Pie Descalzo", amosando así as figuras femininas presentes ao longo da historia, para que así a podades comprender máis a fondo, e sobre todo, deixarvos con moitas ganas de ler a obra, porque de seguro que non vos arrepentiredes.
Gabriela é a
protagonista fundamental de "Sólo un pie descalzo", e considerada por
todos como a nena que
perde un só zapato. A xente que a rodea a describe e a
etiqueta continuamente como unha nena diferente, rara, estraña, solitaria,
torpe, tonta, pequena ... e un sen fin de denominacións despectivas. Porén, na
obra amósase unha visión antagónica de Gabriela.
Mamá, personaxe feminino
caracterizado por ser fría e distante coa súa filla máis pequena, Gabriela. A
discriminación e a marxinación que amosa esta persoa están presentes con
respecto a protagonista da historia, en contraposición da alegría, nostalxia, e
o afecto dado as súas irmás maiores.
Mamá, tamén se caracteriza por ser autoritaria, esixente
e por desbordar disciplina, tanto nas severas normas que a diario inundaban a
casa como as leis fabricadas por ela mesma e dirixidas as súas fillas. Finalmente,
gustaríanos destacar que se trata dunha muller conservadora e de costumes
establecidas.
As irmás
de Gabriela, pola contra, son nenas
consentidas acostumadas a que todo se mova ao seu antoxo sen ningún esforzo.
Descríbense ao longo do libro como un prototipo de futura muller perfecta
naquela época.
Prima
Fifita, aceptada e valorada na familia asumindo o rol de prima da protagonista aínda
que a súa actitude cara Gabriela era burlona, acusona e egoísta.
Tomasa, a cociñeira da Casa, é unha figura moi presente ao longo
da historia, caracterizada polo seu forte carácter e autoridade, polo que tanto
nenos/as como adultos respetan. Á diferenza do resto de personaxes da historia,
trátase dunha muller de avanzada idade e con moita experiencia na Casa e ca
familia, encargada de coidar de todo e de todos. Porén, no trasfondo de Tomasa,
existe unha persoa chea de sensibilidade e empatía.
Micaela e
Elisa, xunto a Tomasa, forman o persoal da
casa encargado das tarefas do fogar. Teñen un papel menos representativo
durante toda a historia.
Os
personaxes femininos do Mundo dos Descarrilados, como a vella teteira e a
olla grande sen tapa, descríbense como obxectos considerados inservibles, ben
polo seu desuso ou ben por contar con pequenos anacos deteriorados. Acompañan a
Gabriela para facerlle comprender que as diferencias nos enriquecen e non teñen
por que ser unha barreira, senón todo o contrario.
A nena á que todos/as chamaban "abuelita é o reflexo da nosa protagonista nun futuro moi lexano,
perdendo, ao igual que ela, un zapato, e sentíndose discriminada como
consecuencia diso.
Madame Saint Marsal, é a primeira mestra de Gabriela,
coñecida tamén como a “Oliscona”. Entre a súa metodoloxía destaca a burla, a
autoridade e disciplina, a falta de empatía e o abuso do castigo. Ademais, era
unha persoa distante pois “No invitaba a acercarse, ni a preguntar, ni en
general a nada.”
No seu lugar de traballo tamén se atopa Madame Saint Marcel
e Madame Saint Maur; todas elas, tiñan en común a fala, a mesma voz, unha
linguaxe complicada para os nenos/as e insensibilidade pola infancia.
Las
niñas del colegio, compañeiras de Gabriela e das súas irmás, alumnas da “Oliscona”, “Todas las
niñas parecían conocerse, y se daban empujones cariñosos, o abrazos y besos…”
Porén, a súa actitude con Gabriela era burlona, sarcástica, de desprezo, de
exclusión social e nalgunha ocasión as agresións físicas estiveron presentes.
Polo
xeral, en "Sólo un pie descalzo" apreciamos unha visión estereotipada
da muller, pois, dase a entender que o lugar que lle corresponde é o fogar ao
contrario dos homes, que son os encargados de levar a cabo o sustento familiar.
Así mesmo, existen visibles diferenzas entre o persoal da Casa e a familia,
apreciando así diferentes eslabóns das clases sociais. Por outra banda, a
figura das mestras vínculase ao xénero feminino, deixando entrever os
estereotipos asentados nun tempo non tan lonxe ao actual.
Twitter: @Pie_descalzo
Pamela Campos Andión
Beatriz Castiñeira Barreiro
Ana De La Calle López
Rocío Fernández Rodríguez
Raquel Fernández Sanfiz
Ningún comentario:
Publicar un comentario